المستحيلة ......

Admin عدد المساهمات : 126 تاريخ التسجيل : 29/05/2011

المستحيلة

كني مع حرفك أذوق العقاقير

ويزول جرحي يالغلا كل ليله

مدري على كفك تلوح المقادير

ما اقول إلا الله يسهل سبيله

و مدري حلم وإلا بداية أساطير

والا نهاية تنتظرني جميلة

يجتاحني ياذوق نبضك أعاصير

وانتي على راسي وهمك اشيله

يا حٌسن حارت في قياسه معايير

لا هي شمس ولا قمر ذي قليلة

نوخت في دارك طوال المشاوير

واقسمت اتفيأ برمش ظليلة

ياوقت ما اقول اختلقت المعاذير

اهديتني وردة ونخلة كحيلة

ياكم تعشمت الصبر و الأعاصير

وضعت في همي ليالي طويلة

وياعطر من ريحه تغني القوارير

والله مافي الورد مثلك فسيلة

ولو يصف الحسن بعيني طوابير

ما امد يدي له ولا انا خليله

احترت اصف بعضك بكل التعابير

انتي الجمال اليوسفي مستحيلة

صالح العجمي